♥ مفضلاتي لشهر سبتمبر ♥

مرحبا ..

حبيت هالمرة أنزل مفضلاتي لشهر سبتمبر ..

طبعاً انا ماقد نزلت مفضلات لأي شهر .. يمكن لأنها أشياء مكررة في باقي الشهور وأستخدامي لها دائم , بس هالمرة استعملت اشياء اغلبها جديدة ومرا ارتحت لها

أول حاجة كريم مرطب من Himalaya ♥

مكوناته الألوفيرا والكرز الشتوي وشجرة الكينو الهندية 

؛ يرطبّ من قلب من غير مايدهن أو يدبق , تمتصه البشرة بسرعة ويضل مفعول ترطيبة والنعومة على الجلد .

عيبه الوحيد هو علبته ف يكون الكريم معرّض للتلوث من خلال استعمالك المتكرر له ..

سعره تقريباً 13 أو 15 ريال 

ثاني شي واقي شمس Bioderma photoderm max ♥

كريم واقي شمس بحماية 100 , بدون لون , جداً جميل أستعملته لبشرتي الحساسة لأني أعاني من احمرار والتهاب البشرة لما اتعرض للشمس ؛ ناسبني كثير .. يرطب ويحمي بنفس الوقت , قالي الصيدلي جددي الطبقة على وجهك كل 5 ساعات ..

رائع وانصح فيه بنات الجامعة اللي يتعرضوا للشمس كثير ..

سعره 115 ريال 

كومباكت باودر من Chanel ♥

اخذتها مع كريم الاساس من شانيل ايضاً , لكني تركت الاساس واستعملت البودرة .. جداً جميلة و تعطيك مظهر طبيعي 

تغطيتها وسط ومناسبة للنهار والطلعات ..

سعرها ما أذكر للأسف لأني كنت ماخذة اكثر من غرض وحاسبتهم مع بعض ..

روج ريميل أسمه Kiss me ♥

رقمه 14

لونه أورانج .. جريء , حبيته وحبيت اني اغير عن الألوان الهادئة اللي استخدمها ..

فيه لمعة خفيفة , و حلو مع الميك اب السيمبل .. تركيز على الشفايف والروج ومكياج العين طبيعي جداً

سواتش من النت 

سعره تقريباً 45 - 50 ريال




قلوس ريفلون Nude 004 ♥

نيود وطبيعي جداااا

لونه جميل , مشمشي فاتح .. وقوامة ثقيل شوية .. حلو للي تحب القلوسات أو اللي شفايفها  صغيره يعطي شكل أكبر

ينفع تستخدميه لوحدة كطلة صباحية وطبيعيه  أو فوق الارواج المات ..

سويت سواتش للروج والقلوس وكثفت الطبقة عشان يبان اللون في التصوير

سعره 40 - 45 ريال 

مناكير Nyx matte  ♥♥♥♥
قلتلكم عنها في بوست سابق .. اللي ماشافته تطل هنـا

شوفوا كيف شكله على اليد يفتح النفس :$

سعره 25 ريال

اخر حاجة .. مُرطب شفايف بيزلين ♥
هالشهر جتني حالة جفاف سيئة , ومالقيت أفضل من هالمرطب يرطب بقوة ..

سعره 10 ريال


وبـس هذي مفضلاتي يارب تعجبكم ..
سي يو  ♥♥