BB Cream Garnier ♥ بي بي كريم غارنييه

السلام عليكم ..

مسائكُمْ فُل ّ ..

هالريفيو كنت ناوية أنزلة في اجازة الحج بس مخمخت بيني وبين نفسي وقررت أنزله بسرعه دام كل شي جاهز :$

طيبّ .. أكيد سمعتوا عن الإختراع الجميل البي بي كريم ♥ وشفنا ماركات كثيرة نزلت لها بي بي كريم , 

البنات طاحوا فيه ويستاهل والله $_$

تخيلوا شيء خفيف على الوجه وعملي كثير ونتايجة أشبّه بالفاونديشن .. واااو ♥♥♥♥

وأنا شخصياً أعشق غارنييه , من يومي وأنا استخدم منتجاتها شعر , وجة , مكياج وتناسبني ..

بدايةً البي بي كريم أيش هو ؟

هو زي التنتد موسترايزر , مرطب ملون ؛ يحتوي على كريم ترطيب ومعالجة , كريم وقاية من الشمس , فاونديشن ..

ايش استخداماته ؟

في الدوام سواء (طالبة - جامعية - موظفة) , فالبيت , للطلعات الخفيفة . .

يعني بشكل عام للإستخدام اليومي , للناس اللي تحب تهتم ببشرتها ومظهرها بدون ماتضرها .

البي بي كريم هذا لي اسبوعين رايحة راجعة على صيدلية بوتس عشانه , وأنقهرت لما قالي مابعد يجي !

ياعمي نزلوووه في بوتس الرياض :@ !

قال ما ادري بس لسه مانزل الشرقية !

واللي يقهر أكثر إني لما رحت وشفته أنبسطت بس يافرحه ماتمت ! جايبين درجة وحدة بس ! يا عيشتن قشراااا 

اللي هي الميديم , وأنا كنت مخططة اخذ درجتين صبرك يارب :(

نشوف إيش مكتوب على الكرتون 

يوحد لون البشرة 

يقلل العيوب والشوائب

يعزز الاشراقة الصحية

يرطب 24 ساعة

يحمي من اشعة الشمس 

يحتوي على فيتامين C و ألوان معدنية 

صناعته ألمانية

. .

تجربتي معه ..

أول شيء لاحظته هو الترطيب ♥ كريمي وترطيبه قوي , حسيت إني كأني حاطه كريمي المرطب مو بي بي كريم 

اللون بالنسبة لي متوسط ؛ مايغطي كثير خصوصاً للي تعاني من حبوب أو بقع , أساساً الدرجة طلعت علي غامقة شوي مع أن سماري متوسط ..

أستخدمت معة الكونسيلر من غارنييه برضو وطلع بيرفكت , حبيت النتيجة اللي عطاني اياها ♥

اللي لاحظته برضو وكان باين مره في البي بي كريم أنه يعطي  ♥ لوك ديوي ♥ اللوك اللي يحبوه البنات 

شوفوا شكله على يدي قبل وبعد ما أدمجه على البشرة

♥ عاليمين باين بشرتي حساسة فيها احمرار + باينه العروق 

♥ على اليسار عطاني لون خفيف + اضاءة واضحة وطبيعية + لوك ديوي صحي 

بالنسبة لي : حبييييته جداً جداً , حبيت اللوك الطبيعي اللي يعطيني اياة , و أكيد إن شاء الله

بآخذ الدرجة الأفتح ..

شوفوا الصورة هذي لبنوته مستخدمته ..

الخلاصة :

* ممتاز للإستعمال اليومي .

* مثالي للبشرات خالية العيوب أو شبة خالية .

* يناسب البشرات السمراء من الغامقة للحنطية , وحلو على البشرات البيضاء لو حابة لوك تان 

* يناسب البشرة العادية , الجافة , المختلطة , الحساسة .. وسمعت أنو فيه نوع اخر للدهنية بس لسه ماشفته !

* حجمة مناسب للشنطة + سعره رمزي واقتصادي .

سعره بـ 30 ريال ♥♥

صيدلية بوتس - العثيم مول