الثلاثاء، 30 أكتوبر 2012

* نظامي الخاص مع الحُبوب و اثارها ..


مرحبآ يا جميلات :$ 

بعد ماشفت اقبال كبير من البنات يسألوني في صفحة الأسك عن الحبوب واثارها قلت بنزله لكم بوست وأتكلم بإسهاب عشان 
تفهموني زين .. 

أنا أول ماتطلعلي حبوب تصيبني تعاسة .. الشكل سيء 
غير كذا احياناً تكون توجع 
وأحيانا تكون ملتهبه ماتتقبل تحطين كريم بوجهك او مكياج او اي شيء ..

أول ماتطلعلي اتبع نظام بسيط عشان اتخلص منها سريع سرريع ..
نظامي هو :

1- انظف وجهي يومياً 3 مرات اقل شيء " هالشيء عندي طبيعي سواء فيه حبوب او لا "
2- اقشرها بالمقشر الخاص للوجة ..
3- اهتم بترطيب وجهي بس بكريمات غير دهنيه !
4- اخفف من الشوكولاتات و الدهون ..
5- اشرب موية كثير ينظف جسمي ومعدتي ..
6- استخدم الكلينكس لتجفيف وجهي أو أخليه يجف من نفسه ..


هذا بشكل عام اللي اتبعه عشان اتخلص من الحبوب ..

نبدأ أول شيء بالكريم المقشر  


 كريم Retin-A 
*واضح من الصورة أنه مستهلك كثير ههههه* 

الرتن أي كريم مقشر "قوي" وحطوا خطين تحت قوي , 
يعني ماتستعملوه بدون استشارة طبيب لتقشير الجلد , ولا تستعملوه للمناطق الاخرى ابداً ابدا ..
يُستخدم بحذر شديد ..
قبل موعد نومي بنص ساعة آحط بـ اعواد الاذن .. كل حبه اطبطب عليها بالكريم بدون ما ألمس جلدي المتعافي ..
بعدها اخليه لما يجفّ واحط راسي وأنام ..
مايبهدل لأنك بتحطين كمية قليلة على كل حبة بس ويجف بسرعه ..



صحيت اليوم الثاني .. أغسل وجهي بـ 


 صابون Pyary الكُركمْ ..

هذي الصابونة ما أستخدمها الا اذا طلعت الحبوب لأني اساساً استعمل لتنظيف وجهي غسولات مو صوابين ,
الصابونة حلوة للحبوب لأنها تجفف الحبّة وتصفي الوجة ..
اغسل وجهي بها لما اصحى .. 
استخدمها 3-4 مرات باليوم لأنها تنظف من قلب وتشيل الدهون والافرازات اللي بالوجة عشان ماتسبب حبوب ...



بعدها أقشّر بمقشري المفضل 


 Stives للتحكم بالبثور ..

هالمُقشر اشهر من نار على علم , وأكيد كلكم جربتوه ..
خفيف ومع ذلك ينظف ويقشر بشكل ممتاز , 
استخدم هالنوع المخصص للبشرة الدهنية وقت ماتطلع الحبوب ؛ لأن بشرتي وقتها الله وكيلكم تصير شبه دهنيه 
تفرز دهون وتتلامع ..
فَ اخذ كمية بسيطة وافرك وجهي بشكل خفيف عشان مااجرح وجهي .. بعدها اغسله بموية باردة 
و أرش موية ورد اخليها لما تجف عشان تتقفل المسام ..
استعمله كل 3 ايام مرة وحدة بس ..




مع التقشير والجفاف اللي يتسبب به تقشير الحبوب .. ايش اسوي لما احط ميك أب ؟

التقشير والقشور تخلي الميك أب فاشل لو أيش تحطين , عشان كذا اقولكم ابتعدوا عن الميك اب هالفترة 
ريحوا بشرتكم ..
لكن لو كنتي مضطرة لمناسبة .. هنا لازم تهيئين بشرتك بشكل مضاعف عن الطبيعي عشان تعطيك بشرة ملساء نظيفة وبلا قشور ..


أول شي حطي واقي الشمس عشان تحمي الحبوب لا تتلوث من المكياج والجوّ ..
حطيه وخليه 5-7 دقايق 
الخطوة الثانية البيس الخاص لمكياجك .. 
خليه كم دقيقة بعدها حطي الميك اب وان شاء الله ماراح يبان التقشير .. 



طيّب و آثار الحبوب .. ايش الحل معها ؟

الاثار يبيلها بال طويييل .. مستحيل اي منتج يعطيك نتيجة سحرية من اول مرة ,
طولي بالك ..

- قشري بشرتك بشكل يومي بمقشر يومي خفيف ..
- رطبي بكريم طبي خالي من العطور اللي تسبب التبقع ..
- استخدمي كريم مفتّح .. 


شخصياً أستخدم هذا الكريم وقت النوم وفي الظلام ؛ لأن في النور بيعطيك نتائج عكسية ..
اسمه : الدوكين فورت 4%   

مع الاستخدام المستمر ينور الوجة ويشيل التبقع والآثار ..




بكذا اكون خلصت البوست ..
اتمنى أني افدتكم وكان أسلوبي واضح وسلس  

هناك 23 تعليقًا:

  1. حلو نظامك
    بس بسالك عن اسماء مرطبات للوجه مو دهنية ؟؟
    ويعطيكي العافية

    ردحذف
    الردود
    1. تحلى ايامك..
      حبيبتي ل عندك سؤال تفضلي صفحة الاسك واجاوبك

      حذف
    2. 7abebty el montgat de fe ksa bs wala mmkn al2eha fe egy wala l2 ??

      حذف
    3. المرطبات الغير دهنية
      سيتافيل و كيوڤي آڤين
      أحسن واحد كيوڤي راااااااائع

      حذف
  2. جميل البوست وبالنسبه لكريم Retin-A حبيت افيد الصبايا انه ممكن يسبب توسع للمسام بشكل بسيط ف حاولو في الفتره الي تستخدمون فيها الكريم تمرورون ثلجه بشكل بسيط

    ردحذف
    الردود
    1. عشان كذا انا اقولكم استخدم الموية الباردة + موية الورد ..
      شكراا لمداخلتك ياجميله

      حذف
  3. من وين شريتي الصابونه؟؟

    ردحذف
  4. صدقتي .. انا استخدم الريتن أ وخفف الحبوب بشكل كبير

    ردحذف
  5. توي اعرف اني ممكن استخدم صابونة الكركم للوجه .. احسها بس للجسم!! ويالله اتحمل ريحته هههه

    الرتن اي منتج جيد واستخدمه مثل ماذكرتي للاثار بس برضو يبغاله وقت ..

    اضفت تدونتك لمفضلتي .. تفك أزمة

    شكراً لك ♥

    ردحذف
    الردود
    1. الا تستخدم للوجة ، مرة حلوة له..
      العفُو حبيبتي

      حذف
  6. عادي لو استعمل الرتن أي في البيت وأنا مو نائمه يعني وأنا في البيت قاعده ؟ وقد قال دكتور جلديه لاختي قبل النوم أخلطي الرتن أي مع الدوكوين فورت وحطيهم بوجهك ورقبتك ويعطني نتائج ممتازه .. قد جربتي

    ردحذف
    الردود
    1. الفكرة من انك تحطيه في الليل عشان تكوني نايمة وماتتعرضي للنور..
      وضع الرتن اي على كامل الوجة يمكن يسببلك حروق! بس اكيد لو من وصفه طبيه ف استعماله يناسبك.

      حذف
  7. اريد معرفة هل يمكن استعمال الرتن أ علي كامل الوجه لازالة التبقع الموجود عالوجه

    ردحذف
    الردود
    1. لا ؛ لأنه قوي على طبقات البشرة الخفيفة وممكن يسبب حروق وتشوهات لا سمح الله

      حذف
  8. ايضا اريد معرفة بمازا يمكن ازالة القشره التي تسببه الكريم

    ردحذف
    الردود
    1. بكريمات الترطيب حتى تلتئم البشرة وتكوّن طبقة جديدة.

      حذف
  9. كريم رتن اي يقشر ويفتح.جربته لاكواع واقشرها مره بالليل واحط بعده لما اصحى مرطب وبستمر عليه شهر وبعدين مرتين بالاسبوع وبعدين مره كل اسبوع لانه كورتزون لازم بالتدريج اتركه والا الان نتيجته حلوه وفتحت كثير منه ولك مني خالص شكري ياسكره

    ردحذف
  10. اشكرك كتيييير حياتي تسلمي ربي يخليك ويدخلك جنه الفردوس ويجمعك باحبابك

    ردحذف
  11. اختي كريم الدوكين فورت استخدمه لمدة كم؟
    و افضل كريم مرطب خالي من العطور ايش هوا؟
    و ياليت تعملي بوست عن العناية بالمنطقة الحساسه - شكرا لك و الله يعطيك العافيه

    ردحذف
  12. اختي كريم الدوكين فورت استخدمه لمدة كم؟
    و افضل كريم مرطب خالي من العطور ايش هوا؟
    و ياليت تعملي بوست عن العناية بالمنطقة الحساسه - شكرا لك و الله يعطيك العافيه

    ردحذف

لا تنسي تعطيني رأيك أو مداخلتك في التعليقات ♥♥
للتواصل في تويتر : https://twitter.com/saudia_fashion
انستغرام : Saudia_fashion
لأسئلتكم واستفساراتكم عن العناية والميك آب : http://ask.fm/saudiaaaf