Get Ready With me : go to University/ Work ♡

السلام عليكم ..

من فترة جتني فكرة إني انزل تاق Get ready with me :$

حلو ومسلّي ..

ف بوريكم استعدادي كل صباح لطلعة الجامعة .. 

بسم الله ..

أول شي بما أنو شعري طبقتين فَ يصير شكله مش حلو بالستريت :(

عشان كذا قبل أنام بعد مااستشور اقسمه لنصين طبقة فوقية وتحتيه وأحط من بديل الزيت هذا 

بديل زيت من انيرجي بالكيراتين الفارد للشعر ..

لي شهر تقريبا استعمله .. شي جميل ويمتصه شعري بسرعه ويسويه كيرلي 

احط كمية متوسطة لشعري واسويه كعكات فوق وتحت وأنام ..

الصباح 

أغسل وجهي بغسول كلين اند كلير مورنينق انيرجي ؛ مُنعش ويخلي البشرة تتنفس ♡

أرطب وجهي ب أولاي .. ترطيبه سطحي فقط ! طيب ليش استخدمه ؟

لأنو بشرتي في مرحلة تقشير وصارت تطلع قشور كثيرة فَ الكريم هذا يخفي القشور تقريبا + يعطي طبقة عازلة بين طبقة الميك اب وطبقة الجلد ..

بعدها أوزع بيس من بودي شوب للبشرة الدهنية .. 

ممتاز للاستعمال اليومي ويوقف الدهون تماما 

جاء دور الفاونديشن ( اللي من فترة قصيرة صرنا حبايب وأصحاب :$)

فاونديشن ماك ستوديو فكس فلويد ♡

الفاونديشن رهييييب ♡♡♡♡

سائل , تغطيته متوسطة ومناسب لجميع انواع البشرة _ ناسب بشرتي المختلطة الدهنية _

يغطي عيوب البشرة ويعطي مظهر طبيعي , تقريبا مات , وفيه حماية من الشمس ♡

بصراحة أنصدمت كيف بعض البنات يقولوا عنه ثقيل وللمناسبات بس .. وأنا لما جربته باين طبيعي 

ولطيف جداً .. 

شوفوا الفرق .. فوق حطيت فاونديشن وتحت بدون ..

ماااافي فرق ابد اللهم أنه يخلي البشرة نظرة ويغطي عيوبها البسيطة ..

بعد الفاونديشن احط كونسيلر خفيف تحت عيوني ..

هو مثالي جداً للنهار والطلعات الخفيفة ♡

نبدأ بالعيون ♡

بودرة الحواجب من مكياجي اعبي فيها الفراغات وارسم بداية الحواجب بس ..

ارسم خط نحيف فوق منبت رموشي بدون اي خط خارجي ,  

الكحل ايلاينر قزاز , حلو وريشته عملية كثير

الماسكرات قصتها قصّة :$

رموشي خفيفة نوعاً ما بس طويلة وأنا اعشق الرموش الكثيفة الطويلة , فَ صرت استخدم ماسكرتين حلوين من الدرق ستور

♡ ماكس فاكتور فولس لاش إيفكت ؛ هذي اعشق سوادها جداً حااااالك وتكثف بشكل كبير .. 

شوفوا فرشتها كيف شعرها متقارب ومبروم .. وطبيعة الجل فيها ثقيل شوي فَ هالشي يساعد على انها تعبي فراغات وتعطي شكل اكثف ..

♡ مايبلين كولوسال ؛ هذي حبيييبتي وعشرة عمر :$ تفرّق الرموش وتطولها .. 

جميييلة جميلة ولا أظن راح اقطعها ابد :$

طبعاً احط طبقة من ماسكرا مايبلين واخليها تنشف شوي بعدها احط ماسكرا ماكس فاكتور ,

بعدها احط من بلاشر H&M سويت روز 

يكفي ضربة خفيفة على الوجنات ويعطيني لون قوي وحلو للنهار ♡

اخر حاجة الشفايف ..

اعبيها بمحدد من فلومار لونه لحمي على وردي , وأحط فوقه قلوس من ريفلون لونه نيود ♡

وبس خلصنا :$

اللوك النهائي 

باي باي ♡♡