باي باي للمسامات الواسعة والحبوب الملتهبة .

السلام عليكم ..

إجازتكم سعيدة يارب

راح أقولكم اليوم عن ‘ ماسك ‘ أو ‘ حل سحري ‘ لـ :

-          المسامات الواسعة والواضحة .

-          الحبوب الملتهبة .

-          التحكم بإفراز الدهون وإيقافها .
-          شد الوجة ..

ألحين وحدة تقول : يابنت أخلصي علينا ايش هو حلك السحري لوول ؟

طيب أقولكم , شفتُوا المُرّ اللي نشرب مويته لما يوجع بطننا ؟ جربتوا تستخدموه لبشرتكم ؟  اللي ما أستخدمته مسكينه :p

تراه هو حلّي السحري :$

خذي بخاخة موية عبي 3/4 موية + شوي مُرّ على قدّ البخاخة اللي عندك

وسكريها وحركيها بقوة واتركيها لما يصير لون الموية بني ..

وبس خلصنا :$

كل مرة بعد ماتغسلي وجهك غمضي عيونك وبخي بختين , ولا تمسحي الموية ؛ لآ خليها تجف من نفسها

راح تحسي وجهك مشدود وبتلاحظي مع إستمرارك كيف المسامات بحّ ماتبان أو تخلصتي منها ..

وبالنسبة للحبوب ؛ معروفة المُرّة كيف تعقّم الحبوب ومفيدة للبشرة الدهنية المعرضة للحبوب .

على فكرة الموية نظيفة يعني مايحتاج تغسلي وجهك بعدها يعني زيها زي موية الورد + الفكرة جداً سهلة حتّى العجازات (زيي) راح يسووها مرة مرتين يومياً :) 

يارب يعجبكم البوست , ولما تجربوه وتحبوة لاتنسوا تقولولي تجاربكم ..