I ♥ Foundation !

السلام عليكم ..

بوست اليوم جميل ورآيق .. 

واللي تحبّ الميك اب راح تحب البوست لأنه يحكي عن أحلى شيّ في الميك اب ؛ الفاونديشن ♥

♥ إيش هو الميك اب بلا فاونديشن ؟

♥ وين جمال مكياجك إذا مااستعملتي فاونديشن ؟

♥ إيش فيه شيء يحمسك تتفنني بالميك اب وانتي ماعندك فاونديشن ؟

اساس جمال الميك اب هو الفاونديشن ♥

طيب بدايةً  راح اقولكم عن بشرتي :)

مُختلطة وتميل للدهنية اكثر من الجافة , حساسة شوي , فيها اثار حبوب بسيطة , مااعاني من الهالات .

طيّب نجي للشي الثاني وبالنسبة لي أهم حاجة , اللي هو :  فُرشاة الفاونديشن أو إسفنج الفاونديشن ..

لو كنتي تستخدمي يدّك في توزيع الأساس فهذا خطأ !

أكبر خطأ إني احط فاونديشن بيدّي لأنّ اليد ماتوزعه مضبوط , ممكن تملي جهه والجهه الثانية مايوصله , 

برضو كمية استخدامك في الفرشة او البلوندر أقلّ من الكمية اللي تاخذيها بيدك ,

التغطية ايضاً غلط , راح يتكتل بجهه أو ممكن تطبع اصابعك بوجهك أو يحصل تلوث أو أو ..... الخ 

عشان كذا جيبيلك فرشة او الاسفنج على حسب طريقتك او لأيش ترتاحي اكثر .

و الحين اخيراً راح اتكلم عن الفاونديشن المفضلة بالنسبة لي ♥♥

- الفاونديشن الأول : مات لومير من شانيل ♥

تغطيته : متوسطة إلى ثقيلة .

نوعه : مات (بدون لمعة - مطفي)

مدة تغطيته : 3 - 5 ساعات 

فاونديشن المناسبات الكبيرة والزواجات , أحبّه أحببببببه كثير :$ ,

 خفيف من ناحية أن تحسي بشرتك تتنفس , ماتحسيه كاتم على مسامات وجهك أو يضايق أو زي القناع 

بالعكس مره مرريح وهالشي لاحظته لما أستخدمته من بعد فاونديشن ماك اللي كنت طايرة فية ,

طريقتي أستخدمه بعد البيس , أوزعه بالاسفنج أريّح لي , بسرعه تمتصه البشرة بعدها ابدأ احط الكونسيلر والباودر 

البودرة استخدم شانيل نفس النوع اوزعها بالكابوكي برش.

بما أنه مطفي ف استخدم بعده لمعه على الوجنتين وعظمة الانف وفوق الشفايف .

* على فكرة أنا أفضّل التغطية المات اكثر من الديوي , وأحب أتحكم باللمعه وافصلها عن تغطية الفاونديشن نفسه .

شُوفوا الفيديو هذا ؛ بغضّ النظر عن الميك هي استخدمت هالفاونديشن 

> محد أنهبل على الميك اب  ♥♥♥♥♥

تقييمي له 10 / 10

- الفاونديشن الثاني : كلير اند مات من ايسنس ♥

تغطيته : متوسطة .

نوعه : مات (بدون لمعة - مطفي)

مدة تغطيته : 3 - 6 ساعات تقريباً .

هذا الفاونديشن اللي بجد قلت ويني عنه من زمااااااان ♥♥؟

للاستخدام اليومي / النهاري , ناسبني كثير رغم اني اشتريت اغلى منه بس سبحان الله ماضبط الا هذا 

هو للبشرة الدهنية اساساً بس مثل ماقلتلكم المختلطة يناسبها منتجات الدهنية والجافة على حسب لايش تميل اكثر ,

ناعم جداً , اوزعه بعد البيس ب الفرشاة و تمتصه البشرة بسرعه , 

نفس لون بشرتي بس مع ذلك أحس وجهي منوّر ومشرق اكثر ..

ما استخدم معه كونسيلر لاني مااعاني من هالات اساسا ولو حصل وطلعتلي من السهر خفيفة ف الفاونديشن يغطيها ..

ومااستخدم معه بودرة , مايحتاج 

شبيه للتنتد موسترايزر كثير بس على تغطية اثقل حبّه ♥

تقييمي له 100 / 10

وبسّ , 

يارب يكون البوست مفيد , لو جربتوا واحد منهم علقوا في الكومنت تحت وعطوني ارائكم فيهم ..

باي باي ♥