الخميس، 13 يونيو 2013

قشور الوجة والمكياج ! حلّ فعال .


السلام عليكم ورحمة الله ..

في كثير من المرات نحتاج نقشر بشرتنا , سواء كان السبب بقع او حبوب او غيرة ..
وبمجرد نقشر او نفكر نقشر تجي ببالك عمايل التقشير من جفاف وقشور تشوه شكل البشرة في فترة العلاج ,
وحتى ممكن ترفضي الخروج من البيت بسبب شكلها !

مااخفيكم شكل المكياج والبشرة مقشرة ..
اصلاً في هالفترة انسي تستعملين المكياج , بس برضو احياناً مانقدر بسبب العزايم والخرجات وكذا .

بالنسبة لي مضطرة كل 3 شهور تقريبا اسوي تقشير بكريمات كيميائية مثل ماانا اسوي هالفترة
ولا راح ااجلها ابداً لاني عرفت الحل لاخفائها بالمكياج ..

الحل سهل , خطوات بسيطة اتبعيها بدقة وراح تصير بشرتك بيرفكت

1 - تنظيف البشرة .
قبل ابدأ في المكياج وترميم البشرة راح اضطر لتنظيفها من القشور الزائدة ,
وذلك عن طريق غسول او مقشر يومي نخففه بالماء وندلك البشرة بلطف ونشطفها بالموية الباردة .
ليش الموية باردة ؟
حتّى لا يعمل تحسس او حرق للبشرة المتقشرة لأنها لسه جديدة ما انبنت خلاياها والتئمت


2- ترطيب عميق .
بعد ماننظف البشرة كويس ونخلصها من القشور الزائدة , ادلكها بالكريم المرطب (طبي)
وقلت طبي حتى ماتتحسس البشرة .
ادلكها كويس واوزع الكريم على كامل الوجة , ولو كان لوشن خفيف ازيد طبقتين
لما احس البشرة ارتوت وخف جفافها ..
بعد كذا اتركها تمتص الكريم لدقائق


3- مكياج الوجة .
بعد الترطيب راح ابدأ المكياج , لو استخدم اساس اوزعه كويس على الوجة 
ولو مااستعمله انتقل على طول لخطوة الباودر ..
الخطوة هذي دقيقة جداً ..
مثل ماتعرفون بودرة + بشرة متقشرة او جافة = مكياج باهت وغير صحي .
البودرة لوحدها على البشرة الجافة تخليك تشوفي الوجة كأن عليه رمل ومغبر !!

فالبداية نوزع البودرة بالاسفنج على الوجة وذلك عن طريق الطبطبة ,
وغلط مرا انك تمسحي البودرة بوجهك لانها راح تعطيك شكل باهت وممكن تحرك شعر الوجة لاتجاه المسح !
نطبطب بالاسفنج على الوجة وراح يكون كأنه رمل والشكل بشع لأن القشور بتوضح اكثر ,
بعد كذا راح أبلل الاسفنجة بالموية , واطلع الموية الزايدة عنها .. اخليها مجرد مبلله بدون ماتنقط
واستعمل معها البودرة بنفس الطريقة اطبطب على الوجة واركز على الاماكن المقشرة اكثر
الموية راح تخفي القشور والبهتان في الوجة من البودرة
اكمل كذا لما تختفي القشور وتصير البشرة متماسكة وشكلها مرتب بدون قشور
السبب في إني احط طبقتين من البودرة لأنّ القشور على سطح البشرة فأحتاج لطبقتين عالاقل ,
ولو كنت استعملت فاونديشن قبل بكتفي بطبقة وحدة من البودرة.

4- مثبت المكياج .
آخر خطوة راح اسويها بعد مااخلص مكياجي كله , هو تثبيت المكياج
بنفس الوقت البخاخ هذا راح يروي البشرة ويعطيها طراوة وترطيب اكثر
انا اشوف هالخطوة مهمة جداً بسبب الكلام اللي ذكرته فوق ..
مثبت المكياج انواع وافضل حاجة يكون ؛ Mac fix plus


اتمنى تكون الخطوات واضحة , والبوست مفيد للي يعانوا من هالمشكلة
اشوفكم في بوست جديد
باي باي

هناك 6 تعليقات:

  1. و عليكم السلام و رحمه الله و بركاته

    احس قشور الوجه تطلع اذا استخدمتٍ منظف ما تتحمله بشرتك او اذا قصرتي بالاهتمام بوجهك - حتى لو كانت البشره دهنيه او مختلطة - على الاقل كذا لاحظت على نفسي

    ~ توافيق

    ردحذف
  2. مررره جميييل خاصة فكرة الباودر ان شاءالله اجربها وقت مااحتاجها ♥
    وش افضل مثبت مكياج وبنفس الوقت مايكون غغالي ;$

    ردحذف
  3. حبيت الموضوع كلشي حلووو شكرا كتير

    ردحذف

لا تنسي تعطيني رأيك أو مداخلتك في التعليقات ♥♥
للتواصل في تويتر : https://twitter.com/saudia_fashion
انستغرام : Saudia_fashion
لأسئلتكم واستفساراتكم عن العناية والميك آب : http://ask.fm/saudiaaaf