الخميس، 20 ديسمبر 2012

سوّي من القُبّة ¸ حبّة ♥



السلام عليكم ..
ازيكم يا صبايا 

تقريباً من هذا البوست ممكن تقولوا إني بدأت ادون للحياة , الموضوع اللي بحكي عنه كان مشكلة شخصية والحمدلله قدرت احل المشكلة قبل تتفاقم 

الانسان لازم يضبط نفسه لو تهاوت , لازم تحاولي مره ومرتين لا تستسلمي للمشاكل قبل تكبر وتصير طبع ..
وحطي ببالك : كل شيء قابل للتغيير .

حنا البنات حساسات كثير ونآخذ المواضيع العادية بحساسية ونفصّل كل حاجه انقالت وصارت ونحلل والشيطان شاطر , كيف لو كانت مشكلة حقيقية ؟! 
هنا بجد كارثة 
الحبّه تصير قُبّه !


 حصل معي موقف أنو اخر الاسابيع في الدراسة قبل الاختبارات النهائية نفس هالوقت ,  الدكتورة قالتلنا اخر يوم دوام : الاسبوع الجاي اختبار وأنا عارفة ح تعصبوا علي بس مضطرة اسويلكم هالاختبار !
أنا وقتها صرت كبريت ! جد جد عصبت وانقهرت , جلست اقول كلام ماله لزمه 
واتحلطم , تضايقت لدرجة اني ماقدرت افتح الكتاب ..
جلست يومين مقابلة الكتاب واعصابي تلفانه واخلاقي زفت , اسب واشتم فالدكتورة والمقرر حتى اهلي استغربوا مني واستائوا من الوضع اللي انا فيه , كل مافتحت الكتاب انسدت نفسي وقفلته , و جيت بنام الليل ماجاني النوم احاتي ف سهرت عالفاضي قلقانه وتعبانه ولا ذاكرت ولا شي .!!

المهم جاء اليوم الثاني وداومت ومبين علي تعبانه
اعتذرت للدكتورة عن الاختبار والحمدلله تقبلت عذري ووافقت تعيد الاختبار ,

رجعت للبيت واختليت بنفسي افكّر :
( يالله أنا ايش سويت ؟ معقوله انا صغيرة وطفلة لهدرجة ؟! ليش ما اكبر عقلي واحل المشكلة بدل ماازيدها .. ايش استفدت انا الحين ؟ ولا شيء ! ......... )

وقتها حطيت راسي ونمت , جاء المغرب صحيت ,
 وقفت عند المراية اتأمل وجهي بالمراية وابتسمت ابتسامة عريضة وبعدها دخلت في سيل ضحكات من الهبل اللي انا فيه .. 
دخلت عالمطبخ سويت لي كوفي وجبت شوكولاطات , شغلت جوالي عالاف ام اسمع سواليف واغاني *مااقدر اذاكر في هدوء لول* , 
وفتحت الكتاب سميت بالله وتعوذت من الشيطان ..
ذاكرت بهدوء وعلى مهلي , مابين كل فصل اخذت بريك افتح البلاك بيري واسولف ..

خلصت مذاكرة بدري وصليت ركعتين دعيت لنفسي براحة البال وانشراح الصدر والتوفيق ..
بعدها رحت انام ..
ماتتخيلوا قد ايش كان قلبي مرتاح ونفسي مطمئنه لما رضيت بقضاء الله و استسلمت للامر بايجابية :)


كل ما صغرتي المشاكل صغرت وانحلت 
وكل ما كبرتيها كبرت وتفاقمت ..

سوّي من القُبّة حبّة و عيشـي 

هناك 12 تعليقًا:

  1. والله هل بوست جاء فوقته
    وكلامك اعطاني بووش
    عندي كثير التزامات هل فترة
    وصايرة اهمل واتحلطم
    بس بسوي اللي قلتي عليه ان شاء الله
    يعافيكي رب

    ردحذف
    الردود
    1. الحياة حلوة لو ابتسمتي ح تبتسم لك ,
      الله يعافيك حبيبتي ..

      حذف
  2. كلامك جميل جدا .. وفعلا الواحد كل ماكبرها تكبر .. الامور دائما صغيره
    الله يسعدك سعوديه ويوفقك بدراستك

    ردحذف
    الردود
    1. ويسعدك يارب ..
      نورتيني حبيبتي ♥♥

      حذف
  3. ي زينك عاد احس جا بوقته ,
    احسني هالفتره صايره كبررريت ,
    مثل ماقلتي احنا البنات حساسات ومانتحمل كثرة الضغط بس لازم نفكر قبل مانولع السالفه وتصير مشكله كبيره ’ طرحكك جمممميل ودخل قلبي , ..
    وعلى فكره النيو لوك جمممميل ..

    ردحذف
    الردود
    1. شفتي كيف انا اجي في الوقت المناسب ؟ ههههههههههههه :$
      حبيبتي انتي الله يشرح لك صدرك
      وعيونك الجميلة تسلمي ♥♥

      حذف
  4. ماآدري وش اقول وربيً
    بجد مبدعه ماشاءالله ومثقفه وواعيه وسنعه
    تعجبيني الله يستر عليك
    كلامك اعجبني وهذا دافع للي عندهم امتحانات ونزلتيه بالوقت المناسب
    الله يوفقك ويجزاك الجنه
    تحياتي
    اختك :شوشو الشمّريٓ

    ردحذف
    الردود
    1. اللهم امين ولك بالمثل ان شاء الله ..
      الله يسعدك ..

      حذف
  5. حلو كلامك الصريح عن نفسك

    ردحذف
  6. مآشآء الله تبآرگ الرحمن ،،
    آسلوبگ حلوو ،،كلآم مختصر وصلت من خلاله الفكره لكل سهولة
    جزاك الله خييييير.

    ردحذف
  7. الله عليك جيتي في وقتك الله يوفقك ي رب

    ردحذف

لا تنسي تعطيني رأيك أو مداخلتك في التعليقات ♥♥
للتواصل في تويتر : https://twitter.com/saudia_fashion
انستغرام : Saudia_fashion
لأسئلتكم واستفساراتكم عن العناية والميك آب : http://ask.fm/saudiaaaf