منتجات راح أرجع اشتريها ولا لا ؟

||

___ السلام عليكم ورحمة الله وبركاته ..

سويت ريفيو صغير لـ 5 منتجات ؛ جربتها من 3 شهور الى 4 تقريباً ..

نبدأ : -

__ اللي فُوق : تنتد موسترايزر من ريفلون " مرطب ملون " .

سيء بشكلللل , ليش سيء ؟ 

لأنه خفيف كثير ومايغطي = ماينفع الا للبشرة الصااافية جداً , يسيح ومايثبت,

أول ماتحطيه بتتفاجئي بلون أبيض فيه ! يبغالك تخلطيه قبل بيدّك وتحطيه عشان يطلع اللون .

العلبة بمجرد تشيلي غطاها بتلاقيه ينزل فأنتبهي يكون مقلوب عالآسفل !

فيه حماية 15 

* راح أشتريه مرة ثانية ولا لا ؟ لا طبعاً .

__ الثاني السفلي : كريم أساس نهاري من ريميل .

أساس خفيف , يحتوي على ترطيب جميل , و يعطي لوك ديوي للي تستخدمه لحاله ..

تغطيته متوسطة , 

ينفع لأغلب أنواع البشرة ..

فيه حماية 15 

* راح أشتريه مرة ثانية ولا لا ؟ إيه ♥

" ماحطيت تأثير عشان تبان الألوان "

__ الروج الوردي : من كليرز نقدر نقول فوشي أكثر , حبيته جداً ..

كريمي ويحتاج أكثر من طبقة لأنه يقطّع بشكل بسيط 

و إيه رَاح اشتريه لما يخلّص ♥

__ روج شانيل : عنابي , كريمي و لمّاع بس مافيه ثبات .

و لا ما أعتقد أرجع أشتريه , ممكن آخذ اللون من كولكشن ثاني ..

* درجة اللون 70

__ الثالث : روج أحمر مع مرطب من لوريال ,

الأحمر مات وثاااابت مررة والمرطب فوق اللون . .

للأمانة : 

حسيته ناشف ويبيّن تشقق الشفايف .

أنا أخذته هدية لمشترياتي من لوريال ؛ و أكيد لا ماراح أشتريه .

يارب يكون الريفيو أعجبكم وفادكم , وإن شاء الله هذا الريفيو الأول من سلسلة

" منتجات أرجع أشتريها ولا لا ؟ " 

سعودية فاشن .